مقالات
ضياء بلال يسطر في كلمات جريئة عن حالة عناد وركوب راس متبادل تهدد البلاد !
دون الصحافي المعروف ضياء الدين بلال كلمات جرئية صور بها حالة العناد المتبادل بين العسكريين وشباب الثورة وانسداد أفق الحوار والوفاق واستبداله بحالة الفعل ورد الفعل وقال :
الموضوع وأضح جدًا.. السلطة العسكرية القائمة، عاوزة تعقد حياة الناس في الخرطوم ياغلاق الطرق والجسور..!
+الغرض شنو؟!!!
*انتو بترسو نحن كمان بنترس.. انتو بتقفلو الشوارع، نحن كمان بانقفل الجسور، بدون سبب بمزااااجنا.
*انتو عاملين فيها مجانيين، نحن اجن منكم.
*كان راكبين راس، نحن كمان راكبين رأسين..!
*الطريقة السودانية في العناد والمكاواة، الرهيفة تنقد، كان غلبك سدها وسع قدها، البجيك متشمر اطلع ليه عريان.
الغرض النهائي: توسيع قاعدة الفئات المتضررة من سياسة التتريس المتبادل ، حتى يكون لها مصلحة في فرض التسوية والتهدئة على الجميع أو فليسقط سقف الوطن علي الجميع..!
ضياء الدين بلال
