ترك يفتح النار على حمدوك ويطالبه بالاستقالة ويعلن الغاء مسار الشرق وعدم استقبال اي وفد مدني
بورتسودان : الصحافة. نت
شن رئيس المجلس الأعلى لنظارات البجا و العموديات المستقلة ؛ محمد الأمين ترك هجوما عنيفا على رئيس الوزراء ؛ د. عبدالله حمدوك والاحزاب وطالبه باثبات اتهامه لهم بالقيام بالمحاولة الانقلاب او تقديم استقالته.
وقطع ترك خلال مخاطبة جماهيرية بمدينة بورتسودان بانهم لن يستقبلوا اي وفد من المدنيين واكد المضي في اغلاق اي شبر حيوي في شرق السودان واشار الى انهم القوا مسار الشرق من تلقاء انفسهم
وقال ترك غاضبا ” رئيس الوزراء مشينا ليهو كم مرة يبدو لي كان بيخدعنا و كان بدينا حبوب مخدرة”.
و تابع “حمدوك رجل خطير سكوتو قايلنو زول بيقود البلد و لذلك لف بالقضية الأساسية عشان يحرض الشعب السوداني و المجتمع الدولي عشان كده نحن حنترس زيادة و نغلق الشرق تماماً”.
و اعتبر ترك أنه إذا صح الاتهام فذلك يعني أن المحاولة لم تفشل و أضاف ” إذا كان الشعب جزء من الانقلاب و الخيانة التي وصفتها به فهم ها هنا الآن قفلو المطار و حيقفلو بقية الموانئ”.
و طالب ترك ، حمدوك بإثبات اتهامه و محاكمتهم أو تقديم استقالته معلناً رفضهم استقبال وفود من الحكومة المدنية و أضاف ” لأنو حمدوك اتهمنا بالانقلاب والأمين السياسي بتاع حزب الأمة قال اضربوهم في التلفزيون فلذلك لا نرجى خير من الأحزاب و هذه المجموعة”.
و قطع بأنهم ألغوا مسار الشرق في اتفاقية جوبا عملياً و أضاف “المسار لغيناهو ما بنرجى من زول يلغيهو ، الما دار يلغي ياخدو بالقوة” ، مطالباً أنصاره بإغلاق الأماكن التي تبقت في الإقليم و قال ” إذا في حته ما اثرت دايرنكم تلحقوها و تتقفل و انتو تدركو تماما كملو الباقي كملوهو.
