أعمدة
الشاهد احمد البطحانى موسم الرجعة للوطن
نقابة المحامين رجعت وناس ومنظمات وحاجات كتاااار رجعت..وموسم الرجعة للوطن بدأ وتم..والجماعة قطاع الرزق والطرق راح ليهم الدرب..والبوليس القالوا جرى زراهم زرة كديس وبالقانون.. واصبحوا اكوسوا فى حق الضمانات..الظلم ظلمات.ما قلنا ليكم دعوة المظلوم بتفلق وبتورم وما بتبرى..اه جاتكم تاره اركزوا .بعودة نقابة المحامين اتضح مدى عمق الناس البتفكر فى البلد بطرق مشروعة من القايلنها خم وتسلط وقوة مسنودة بفولكريات ..الناس المفتحة صبرت واشتغلت وما نست انو الحق ابلج..بطلان اللجنة التسيرية للمحامين ودا دستورا (التونج) واصبح باطل وقبيل قلناها دستور (مفروض مرفوض).الناس ازدرت وبرطعت واتفولكرت لمن ريحة العمالة طلعت.
