حميدتي: لا يمكن أن نختلف مع الجيش، وخلافنا مع الناس المكنكشين في السلطة.. وندعم الديمقراطية

كرري: الصحافة.نت

نفي نائب رئيس مجلس السيادة؛ قائد قوات الدعم السريع، الفريق أول محمد حمدان دقلو حميدتي، وجود أي خلاف مابين الجيش والدعم السريع. وقال حميدتي في خطاب له؛ لقواته صباح اليوم بمنطقة كرري في أم درمان؛ رصدته (السوداني): (ما تسمعوا الكلام الفي الإعلام ده، نحن ما عندنا أي خلاف مع الجيش، ناس الجيش ديل إخواننا ونحن بنتقاسم معاهم النبقه.. ويا قوة لو أي واحد من ناس الجيش اداكم كف؛ ادوه خدكم الثاني).
وأضاف: (لا يمكن أن نختلف مع الجيش، نحن خلافنا مع الناس المكنكشين في السلطة ديل).

وأكد حميدتي دعمه للديمقراطية والتحول المدني، وقال: (يا جماعة الديمقراطية سمحة وبتنفعكم انتو ديل، والعالم كله مع الديمقراطية، الأمريكان والأوربيين وحتى ناس الخليج المشينا ليهم، كلهم قالوا لينا شكلوا حكومتكم المدنية حتى ينصلح الحال وتتحسن الأوضاع. ومن غير حكومة مدنية مافي اي دعم دولي ومافي اي مشاريع نهضة تنموية للسودان، ومافي اعفاء للديون).